MOVIMENT CIVIC CULTURÂL ALPIN-ADRIATIC "FOGOLÂR CIVIC"
CIRCUL UNIVERSITARI FURLAN "ACADEMIE DAL FRIÛL"
Presidence: Via Ciconi 18 – 33100 Udin
Friûl Vignesie Julie – Italie – Europe
e-mail: aquileianova [@] libero [.] it


Implants

Un tricolôr civic aquileiês, furlan, forojulian, alpin-adriatic, european, globâl o glocâl che si vueli, al met adun i colôrs di tancj grâts di comunitât e di leande gjeografiche ator dal blanc de "toga virilis" romane antighe, simbul storic dal Citadin dal mont. Une bandiere pai citadins, par chel cuarp civic che al è lidrîs sovrane di un potê ancje ben delegât però mai cedût. Une bandiere che e je distintîf vuê dai nestris Moviment Civic Culturâl Alpin-Adriatic "Fogolâr Civic" e Circul Universitari Furlan "Academie dal Friûl", ma ancje une clamade par citadins in sorte dâts dongje in comunitât morâl cul jessi a part di un teritori rispietât, benvolût, difindût tant che sacrari, scune e bastion di une Umanitât simpri rinovade...

implants

Il Moviment Civic Culturâl Alpin-Adriatic "FOGOLÂR CIVIC" al è il nestri miôr mût di movisi.

Ve che si trate di organizazion culturâl cence burocraziis e difûr dai partîts, che a son che le formin il so promotôr, l'om di culture civist furlan Alberto Travain, dutune cun colaborants e seguaçs. Chê e je dividude, di tradizion, in delegazions daûr dal teritori e come culture e riclame fazions e moviments di popul antîcs de bande forojuliane e alpine-adriatiche.

Il Moviment al à a Udin so cuartîr storic e di simbul chel dal GAROFUL che tra Ete di Mieç e Modernitât al è stât distintîf dal prin moviment civic regjonâl, chel che al à soflât il plui grant ribalton civîl de Rinassince a misdì des Alps e l'implant di un cuintri-parlament di popul fûr dal ordenari. Dal 2005 il moviment al à cjapât sù ancje il simbul dal TRICOLôR civist "glocâl" celest, blanc e zâl, mantignint distès di bandiere storiche chê blancje e nere cul profîl ros dai citadins primarûi di Udin.

Il Circul Universitari Furlan "ACADEMIE DAL FRIÛL" al è il nestri miôr mût di metisi adun.

Si trate di organizazion culturâl burocratiche, cence fins di vuadagn, cun tant di assemblee, di dean, di consei, dôs comissions di control, vicjari, segretari e colaborants in sorte.

Il Circul al è a Udin e par simbul al à la ACUILE dal antîc Patriarcjât di Aquilee che il cûr al jere il Friûl. Santul morâl de clape al è il patriarcje medievâl aquileiês BELTRAM di Saint Geniès (1260†1350), campion de patrie e de universitât dal puest e ancje beât de Glesie Catoliche, adotât tal 2001 de citât di Udin, fie di Aquilee, tant che patron spirituâl laic, il prin tal mont, pai siei merits civîi e culturâi.

O vin ancje implantadis o ben poiadis diversis clapis che a son par lôr cont ma come culture a son dongje di nô, in particolâr a Udin, capitâl storiche regjonâl de partecipazion politiche, là che o vin cirût juste di dismovi une cussience civiche rimodernade partint cun chê di puartâ indevant lis identitâts di borc, lidrîs di comunitât e democrazie dal puest. Di chê sorte di implants un esempli particolâr al è stât chel dal Coordenament Civic Udinês "BORC STAZION", clape nassude tal 2003 in chel miscliç di popui dal cuartîr de stazion feroviarie di Udin, lontan rivoc culturâl dal puart de metropul di Aquilee antighe...