MOVIMENT CIVIC CULTURÂL ALPIN-ADRIATIC "FOGOLÂR CIVIC"
CIRCUL UNIVERSITARI FURLAN "ACADEMIE DAL FRIÛL"
Presidence: Via Ciconi 18 – 33100 Udin
Friûl Vignesie Julie – Italie – Europe
e-mail: aquileianova [@] libero [.] it


Jenfri Societât & Teritori

La "Contadinance" dal Friûl, chel cuintri-parlament di popul fûr dal ordenari dai timps de Rinassince, e je stade in Europe une istituzion gnove, simbul plui grant de storie di une tiere e di une autonomie li che la int e à vude vôs in cjapitul! Fâ memorie vive, sclete, libare, dal cricâ dì di une dignitât civiche simpri di difindile, ancje rivocant antigaiis e liendis, e je pardabon une carateristiche de maniere di fâ culture dai nestris Moviment Civic Culturâl Alpin-Adriatic "Fogolâr Civic" e Circul Universitari Furlan "Academie dal Friûl" dilunc dal confin de Europe latine, sclave e gjermaniche che, te Storie, al è stât sigûr farie particolâr di principis di democrazie...

jenfri societât & teritori

Midiant de culture, nô o vin tradizion di puartâ indevant tal TERITORI une rinassince "dal bas" di un spirt di COMUNITÂT disponibile, libare e parone, cun chê, plui di dut:

1) di soflâ la int a puartâ di braure il valôr storic-sociâl e civîl di une "URBS" ven a stâi la citât come costruzions e puest, patrimoni comun di culture e nature peât cu la storie dal Om intun lûc e duncje pivot impuartant di fâi zirâ intor dut un teritori;

2) di movi la int su lis robis justis come umanitât, civiltât e regule tant che une "CIVITAS" vâl a dî la citât come popul, in particolâr un tant su la storie e lis tradizions civichis dal puest, che cjapantlis sû, chês, e rimodernantlis te societât, a puedin mudâ divisions che a stan dongje in comunitâts invezit unidis.

Chest si fasilu soredut cun iniziativis che a smirin:

1) di tirâ la int a vuardeâ il patrimoni storic de comunitât formât plui di dut di lûcs e memoriis di fats, personaçs, tradizions e istituzions civichis;

2) di rimodernâ cemût che une volte si devin dongje int e citadins daûr dal teritori e ancje ben de etât;

3) di insaldâ un "spirt di cuarp" di citadins leâts e no mai sotans.

Un tant si fasilu juste partint de complicade regjon forojuliane (Friûl Vignesie Julie / Friuli Venezia Giulia / Furlanija Julijska Krajina / Friaul Julisch Venetien), te Europe Unide, dilunc dal confin di une volte tra Austrie, Italie e Slovenie, cûr storic de "euroregjon" culturâl alpine-adriatiche o "aquileiese" e crosere di milante agns fra la Europe e il Mediterani cun tradizion di farie di civiltâts in crôs tant che antîc ricet e ripâ;r di int divierse.

Inalore, il nestri al è un messedâsi par tornâ a tirâ fûr, rionzi, dâ dongje, movi e insedâ principis di umanitât e comunitât di sest che, tal teritori des tantis nazions metudis adun une volte de grande metropul antighe che e jere Aquilee, cence fal a cjatin, tra Donau e Adriatic, lidrîs storichis e ideâi fûr dal solit...